Comezamos este novo curso 2020-21, o segundo curso do confinamento, poñendo a primeira pedra ao edificio que tentaremos poñer en pé coa vosa colaboración. Un curso no que sen a vosa implicación vai ser imposible avanzar, pero contando co voso esforzo e interese será doado chegar compracidos ao final do mesmo.
ASSUME TUAM RESPONSABILITATEM ! En latín quere dicir: Asume a túa responsabilidade!
As palabras que empregamos como lema son de orixe latina:
Assume, verbo en modo imperativo do verbo assumere que presenta un prefixo ad-(indicando aproximación cara a algo) que evoluciona por asimilación a as-, unido ao verbo sumere que significa: engadir, recibir, tomar, levar ou sumar para un mesmo.
Temos que advertir que o verbo sumere, naceu dunha palabra derivada sub- (baixo ou en segredo) máis emere (comprar, adquirir por debaixo ou en segredo).
Responsabitatem procede de responsabilitas, responsabilitatis un substantivo abstracto feminino que provén da palabra derivada cun prefixo re- ( idea de reiteración, insistencia, "volver a") spondere ( prometer, xurar, garantir) logo, a responsabilidade é algo como "estar obrigado a responder, a cumprir ou reparar" e en galego fórmase co sufixo -dade (con lixeiras sonorizacións do - tatem latino) observándose aínda con claridade a súa orixe etimolóxica no -ili- que mantivo do latín.
Que significa asumir a túa responsabilidade nesta materia? Ir descubrindo as distintas facetas desta materia que no blog aparece dividida nas seguintes seccións:
- AB INITIO: PARA COMEZAR A CAMIÑAR POR ESTA MATERIA.
- FACTA ET VITA: PARA SABER MÁIS SOBRE A VIDA COTIA DOS ROMANOS: Hoxe suxerimos como curiosidade entrar nunha libraría e que pidas unha de Calamares a la Romana!!
- IN LINGUAM GALLAICAM CONVERTERE: PREPARACIÓN DE MATERIAIS PARA ESTUDAR LATÍN NA NOSA LINGUA.
- INTRA MUROS: PARA SABER DA GRAMÁTICA ELEMENTAL DA LINGUA LATINA.
- IULIA ROMAE: PARA RECREARMOS A HISTORIA DUNHA MULLER GALAICO-ROMANA.
- LABORES: PARA ESCRIBIRMOS EN LATÍN E TRADUCIR AO GALEGO.
- MAGISTRA VITAE: PARA COÑECER A HISTORIA
- UT LEGIT DICAS: PARA LERMOS EN LATÍN E TRADUCIR
- VENI, VIDI, FECI: PARA EXPEDICIÓNS E AVENTURAS DE DIVERSA ÍNDOLE. Imos comezar cunha visita/viaxe fugaz ao blog de Cultura Clásica de 3º In periculo maris.
- VERBA VOLANT: PARA APRENDERMOS VOCABULARIO E TRABALLAR SOBRE O LÉXICO
Ningún comentario:
Publicar un comentario