Imos comezar a nosa preparación da visita sabendo que o nacemento de
Ourense está relacionado cunha ARA, un
monumento dedicado a unha deidade en cumprimento dunha petición por algunha
causa, dedicada ás Ninfas aparecida en
1802 nas primeiras excavacións na zona das Burgas :
Deidade a quen se lle dedica: NYMPHIS
Persoa que lla dedica: CALPURNIA ABANA AEBOSO
Motivo: EX VISU (por un soño ou visión)
Fórmula final: V. S. L. (Votum Solvil Libens: "cumpriu
gustosamente o voto /desexo / petición")
NYMPHIS. Nunha ARA
dedicada ás NYMPHAS, deidades romanizadas relacionadas coa auga e o seu poder
curativo, nos lembra a orixe de OURENSE
que, se cadra, en lugar de chamarse así polo ouro que arrastraba o Miño, era un
espazo coñecido polas súas augas termais ( o topónimo hai quen dí que procede
da expresión latina "aquae URENTES", é dicir augas abrasadoras, en
lugar da cidade auriensis que quere dicir "de ouro").
Mais se investigamos con maior fondura o tema emerxe o topónimo Burgas: BURGA: unha palabra que podemos ben relacionala co CELTA
Beru “quente” ou ben co LATÍN burca “pía”. Neste contexto é onde un deus castrexo, é dicir, anterior á chegada dos romanos a estas terras fainos pensar nunha orixe da cidade anterior á invasión e conquista por parte de Roma, os fillo sda loba.
As orixes de Ourense, sen dúbida, están asociadas ás augas termais, nas
excavacións máis recentes (1995-2010) na zona das Burgas atopáronse varias aras dedicadas
a un deus prerromano denominado REVVE ANABARAEGO.
Procuremos logo información sobre este deus prerromano para comentarlle aos noso compañeiros de 3º da ESO os resultados da investigación.
 |
| Camafeo atopado nas Burgas, representa o baño de Venus. |
Pequena reportaxe da visita a Ourense
Ningún comentario:
Publicar un comentario